أميركاني وايراني… تعددت الصواريخ وانقسم اللبناني!

كتب “الشبح اللطيف”:

بنت الجيران اللي عالطابق الخامس، تعشق الصاروخ الروسي الذي يصيب اوكرانيا، وبتشوف فيه صورة معشوقها فلاديمير بوتين، ومحسوبكن فتح عيونه عالدني عالصاروخ الايراني، رغم بعدي عن التنبك العجمي، ولكن احد سكان البناية بموت بالصاروخ الاميركي، ويعشق “العم سم”.

صحيح ان هناك “تعددية صواريخية”, لكن الجميع يحترم صاروخ الآخر وحقه في الانفجار “مطرح ما بده”, وساعة اللي بدو وكيف ما بدو.

وحده الصاروخ اللبناني ما حدا سامع فيه، ويمكن قوته في ضعفه، تطبيقا للمتل الشعبي “كل شي افرنجي برنجي” وأملنا اليوم ان تتفق الصواريخ فيما بينها، وتندمج في صاروخ واحد، وبالاذن من مارسيل، مش صار الوقت يصير عنا صاروخ، نقدر نخوف حدا فيه.