المنتج عبد الحليم ماذا قال عن سوزان نجم الدين وميساء مغربي وهؤلاء النجوم

سرد منذ ساعات الليل المنتج عماد عبد الحليم مقالة يعيد فيها ذكرياته ويتحدث من خلالها عن الاوفياء الذي تعامل معهم من نجوم ومنتجين ومخرجين واعلاميين وغيرهم كما يتأسف على الناس الغير أوفياء من فنانين وغيرهم ، نعرض لكم ما نشره كما هو

صباح الخير. الوفا كلمة كبيرة وما بيقدر يحملها غير ابن الأصول ملاحظة موضوع مملل ما بيهمك انا مو جايني النوم كتبت كل هدول وشي من الشرق وشي من الغرب😇😂
رح احكي شي ببالي هدا البوست بدي اكتبه من زمان رح اسرد كلام وجمل ببالي دون ترتيب بعالم الفن يلي انا بحبه واعتبر حالي منه عندي أصدقاء وعندي ناكرين العشرة
رح ابدأ بالشئ الإيجابي
اقرب الناس الى قلبي وعشرة عمر وما يوم من الايام صار زعل بينا المحبة والأخلاق
ميساء مغربي صديقة صدوقة وحدًا كفو كريمة صاحبة مواقف مع اي حدا وايمتى ما قصدتها بموضوع موجودة
سوزان نجم الدين اوف على سوزان شو بدي قول عنها
صديقة واخت ورفيقة عمر وحدًا كفو وكريم بذكر مرة طلبت منها خدمة تجي للكويت لموضوع فني ما ترددت ولبت الدعوة ويمكن الوحيدة دخلت بيتي لا في اخي رضوان قنطار كمان دخل بيتي ودخل قلبي حبه الي اخي الكبير وكلام كتير عن رضوان وبس قول رضوان يعني تلاقي بيجي طارق مرعشلي رفيقي وخييي والحنون تبع الشلة وياسر ويوسف صحيح مو بالوسط بس انت بالقلب
ورضا الله يا خييي ورفيقي وحبيب القلب ما عندي كلام عنك
بنرجع الى حقبة الدراما السورية
وهي الفترة كان يتداول اسم المنتجة ديالا الاحمر وكان عندها عمل اسمه تحت المداس اخراج اخي الكبير محمد شيخ نجيب الله يرحمه يلي اخر مرة اجتمعت فيه مع الحبيب الغالي زهير حيدر ويومها بذكر كان لقائي الأول مع المخرج نجدت أنزور. المهم نرجع لديالا كانت المرأة الحديدية مشاء الله تحب شغلها وبدها تثبت نفسها وعملت المملكة تبع غولدن لاين بمجهودها ما حدا دعمها كمان ديالا من الناس يلي كتير قليل الها موقف معي 😍
وأيضا هي الفترة كان في اسم بسورية منتج تلفزيوني اسمه هاني مخلوف اخي يلي عمري ما حبيته لمصلحة او خدمة وهو بيعرف ومتأكد من هدا الشي رحت لعنده بزيارة كان عنده المخرج الدكتور محمد رجب يلي حكيت انا وياه عن اعمال وحكيت عن المنتج اسماعيل كتكت يلي اشتغل معه عمل ليلي مراد
هاني مخلوف إنسان طيب ورفيق الدرب
بعدها منرجع لموضوع الفن
كان في عمل ضارب اسمه هيك تجوزنا للمخرج عمار رضوان يلي اله معه قصص وكتابة لـ الاخ والصديق مازن طه
عمار رضوان انا بسميه معلمي وحدًا انا شفته كيف بيشتغل وكيف بيحب العمل بحبه في عالم الفن لانه مخرج جميل
هدول كل يلي انذكر اسمهم رفقات العمر
وبعد بفترة أنعمل مسلسل صبايا وكان العمل كتير حلو انتاج الصديق عماد ضحية
يلي اتعرفت عليه عن طريق جيني اسبر صديقة قديمة قديمة جدا والى الان
شفت عماد الانسان المثقف الطيب الشبعان
وأيضا كمان كان في عمل ضيعة ضايعة لـ اديب خير الله يرحمه عرفتني عليه لورا ابو اسعد. يلي بس عرفتها على مدراء ام بي سي ايام بداية الدوبلاج اختفت 😀😀
متل ما صار مع صفاء سلطان وقت قدمت الها عمل منتجة منفذة غيرت لون جلدها فورًا هدول الناس لو يرجع الزمن فيني ما اتمنى اجتمع فيهم الله يسرلهم خلينا بالوفا
اي اهم شي وهو أطيب قلب وأقدم صديق بعرفه وفي قرابة بينا وائل رمضان هدا الشخص يلي بحبه بطيبة قلبه بختام السردة اخر السهرة
ملاحظة هدول كل يلي انذكرو اصحاب ورفقات العمر بحبهم
ورح ضيف عليهم محمد الاحمد اخي الحبيب و المخرج منير الزعبي ❤️هدول فقط في عالم التمثيل
اما في كتير اسماء أصدقاء ورفقات العمر من إعلاميين وكتاب